Bɣiɣ lukan ad yeker Ɛeban Remḍan ad iwali anda tewweḍ tmurt d ayen ur iqebel wallaɣ, tamurt yesufɣen fransa tuɣal s-lḥuyen-tt sin yebẓaẓ, amezwaru d Ɛlilu bu dellaɛ wi sin d Saɛid bu limustac, d wigi i tigduda ɣef sin-agi ɣef tebna tmurt n Lzzayer.

Sɣur Dahmani Bilal

Ɛlilu bu dellaɛ, d anesbaɣur amaynut d netta i d agellid n tdamsa ubaẓar d netta i d selṭan n lgudru, ulac abrid yeǧǧa d abrid ameqran neɣ d amectuḥ, arnu tura ccan-is yuli armi yuɣal yessawal-ed i inaɣlafen ar b8ru-ines i wakken a ten-iḥaseb imi ur sɛin ara imdebar fell-asen, imi sellal aqrqy n ceflur yecɣel akk tmucuha, iḥemel tuḍsiwin . Ɛlilu bu dellaɛ taqsiṭ-is yewen ur t-ifhim amek yuɣal akka s wanda id yekka, anda i s-d-ruḥen yedrimen-a, maca tamurt-neɣ tamurt yettaken tallalt i warraw-is anɛam ih....... Ɛlilu yebda s tbarwiṭ akk d lbala tura yuɣal d agellid n lgudru akk d ubiṭun, i s-xdam ugar 16000 n ixedamena winnat, tura yebɣa ad yarnu icinwaten wa sen-yarnu lxalat-neɣ i wakken ad sɛun afud ad karzen kra yellan. Ma d Saɛid bu limustac d uffir, ɣas akken niqal yefeɣ-ed i tili i wakken ad yaḥweṣ amdiq n gma-s maca i neḍruyen n Tunes sufɣen-as tirga mxalfa d ayen it-yeǧǧan ad yuɣal ar ṭlam wa d-eselḥu tamurt sdeffir uridu. Ayen akk is-lḥayen tamur,t d aneɣlaf neɣ d lwali ger ifassen-is it-ɛedayen, imi gma-s ur yestufa-ra, yezga yecɣel akk d imejayen yetabaɛen liḥala n tezmart-is. Ɛlilu akk d Saɛid uɣalen d akniwen ɣas mačči yiwet yemma-tsen, yiwen d agellid n tdamsa wayeḍ d agellid n tsartit ayen-niḍen tuḍsiwin id iḥeku sellalḥ i wegdud i wakken ad yedhu di fasbuk. Akka i tuɣal tmurt-ik a Ɛmiruc, akka i tuɣɣal tmurt-ik a Ɛeban, tamurt ččan-tt igarfiwen arraw-is ḍaɛen di tmura n umaḍal, wa yečča-t yilel wa inejla war tuɣalin, wayeḍ yesleb ur yezri d acu iḍarun zdat walen-is . Sin-a d imedyaten ger imelyan n wid i s-uḍnen tamurt-neɣ i tt-yarran taḍṣa ger leǧnasǧǧ, maca wigi fɣen-d i wegdud ɛaryan, wi ṭraman a t-n-qareb,

Niɣ-as i yiman-iw ayɣar asefru fella-s

anef-as ad yezri am yal amdan

ur yelli tagejdit umezruy neɣ d asalas

CIṭ n wakud a tmeḍlen wussan

Alɣum s yman-is i yesexrab lǧara-s

Ulayɣar tira sufella n waman

Tiririt id-ariɣ iman-iw s wurfan

Mačči d iseɣ ibɣiɣ asburraɣ

D awal i yesexraben uḍan

Isegasen aya i refdeɣ

D imeslayen id-slalayen wurfan

I wesnaraf awezlan a ten-cegɛaɣ

Aneẓruf yuɣalen tafunast i tmura

Agdud tasɣart-is d ijdi

Rahnen ayla n tsuta

a wid kan ad-awḍen iswi

Lzayer a sen-tuɣat taferka

tarwa-nsen a ttewret imɣi

Twala-m tagara n wid-nwen

Qedafi Ɛli neɣ Ḥusni

Tadukli ilelliyenI I ten-isefden

Ksen aɣumu i yimi

Amezruy ad yeddu bla yiswen

A tteqimem tacmatt i yezri

D. B.