Taɣardayt tiɣri i tudert

Taɣardayt
Taɣardayt

Tajmilt seg ul i wid yaɣlin di twilayt n Ɣardaya , i twaculin-nsen i umi tezza tassa , nessaram d akken yal yiwen deg-nneɣ ad iyili d amnay n tifrat i twaɣit-a, naɛya si lmmut n laɣdar, naɛya deg yiḍan yettidiren s imeṭṭawen-nneɣ, melmi a nuɣal a nidir i tmurt-nneɣ ?

Ayen yarɣan di tsiswa

Laḥzen d Imeṭṭi tiregwa

Di tmurt yeččan arraw-is

Lbaṭel ibed-d yeqwa

Afeddix ur yufi dwa

Aqraḥ yewwet iẓuran-is

Yiwet tmurt yiwet nekwa

Neddar ɣef teẓrumezt ur ɣ-ihwa

Ur neẓri ma d-yenfel lqaɛ-is

 

Ajajiḥ yuɣ deg ( i)jdi

Yedda fell-as tirni

Yal axxam yewwḍ-it

Argaz neɣ ilemẓi

Amɣar azemni

Tamettant tewwi-t

Deg unezruf yaɣli

ur nezri a cimi

fell-aɣ tegguni twaɣit

 

Lmmut n ddɣel fell-aɣ yura?

Nettmettat ur nesɛi aẓekka

Di tmurt i n-ḥemel

Ini-yi-d d-acu n sebba?

Ayɣar deg aɛrur i nečča tiyita

Acku wid d-yusan a ɣ-yemmel

Amgired d ansay ugama

Tesɛiḍ yemma-k SɛIɣ yemma

Maca Tamurt a ɣ-tesdukel

 

Win yebɣan  ger-a-nneɣ beṭṭu

Di tmurt n argazen ur n-kennu

Xas yelli adlis n cfawat

Acḥal n unekcum d ucengu

Aẓar-nneɣ yebɣa a t- imḥu

Azaglu yeǧǧa-d ccamat

Deg ubrid n yugurten a neddu

Ar tansa n tdukli a nejbu

Timuzɣa tcebḥ-itt tzemmurt tezdayt 

Dahmani Bilal

Plus d'articles de : La Lettre de Kabylie

Commentaires (0) | Réagir ?